Hvalaskoðunarvertíðin hafin á Húsavík

Hvalaskoðunarvertíðin á Húsavík 2016 hófst formlega í morgun þegar að Náttfari sem er í eigu Norðursiglingar sigldi úr höfn með um það bil 35 farþega um borð. Gestirnir sem komu meðal annars frá Bandaríkjunum, Malasíu og Þýskalandi fengu blíðuveður til að njóta dagsins á Skjálfandaflóa. Hér eftir verða daglegar hvalaskoðunarferðir frá Húsavíkurhöfn þangað til 1. desember. Ljóst er að Húsavík fer vaxandi í hlutverki sínu sem Hvalahöfuðborg Íslands, meðal annars með tilkomu nýrrar steypireyðarsýningar í Hvalasafninu sem og öflugu rannsóknarstarfi Háskólasetursins sem unnið er í samvinnu við fyrirtækin á svæðinu.

2
Það var fallegt veður á Húsavík í morgun.
4
Mikil stemning og tilhlökkun var meðal farþeganna sem voru af ýmsum þjóðernum.
3
Farþegar veifuðu ljósmyndara við brottför.
mási
Már Höskuldsson skipstjóri.
1
Náttfari leggur úr höfn.

 

English